Home / Urdu Poetry / Tujhi se ibtada hai tu hi ik din intaha hoga

Tujhi se ibtada hai tu hi ik din intaha hoga

Tujhi se ibtada hai tu hi ik din intaha hoga
sada-e-saz hogi aur na saz-e-besada hoga
hamen malum hai hum se suno mahashar mein kya hoga
sab us ko dekhte honge wo hamako dekhata hoga
sar-e-mahashar hum aise aasiyon ka aur kya hoga
dar-e-jannat na va hoga dar-e-rahamat to va hoga
jahannum ho ki jannat jo bhi hoga faisala hoga
ye kya kam hai hamara aur us ka samana hoga
nigah-e-qahar par hi jan-o-dil sab khoye baitha hai
nigah-e-mehar aashiq par agar hogi to kya hoga
ye mana bhej dega hum ko mahashar se jahannum mein
magar jo dil pe guzaregi wo dil hi janata hoga
samajhata kya hai tu divanagana-e-ishq ko zahid
ye ho jayenge jis janib usi janib khuda hoga
“jigar” ka hath hoga hashr mein aur daman-e-hazarat
shikayat ho ki shikwa jo bhi hoga baramala hoga

(Visited 57 times, 1 visits today)
0.00 avg. rating (0% score) - 0 votes

About Lubna Rasheed

Leave a Reply

Your email address will not be published. Required fields are marked *

*