Ab Kay Tajdeed -e- Wafa

Ab Kay Tajdeed -e- Wafa Ka Nahi Imkaan Jana
Yaad Kia Tujh Ko Delaye Tera Paymaan Jana

Yoon Hi Mousam Ki Ada Dekh Kay Yaad Aaya Hay
Kis Qdar Badal Jatay Hain Insaan Jana
…
Zindagi Teri Ata Thi So Teray Naam Ki Hay
Hum Nay Jesay Bhi Basar Ki Tera Ahsaan Jana

Dil Yeh Kehta Hay Keh Shayed Ho Farsooda Tu Bhi
Dil Ki Kia Baat Karay Dil Tu Hay Nadaan Jana

Awal Awal Ki Mohabbat Kay Nashay Yaad Tu Kar
Be-Piye Bhi Tera Chehra Tha Gulistaan Jana

Aakhir Aakhir Tu Ye Alam Hay Keh Ab Hosh Nahi
Rag -e- Meena Sulag Uthi Keh Rag -e- Jaan Jana

Mudaton Say Yahi Alam Na Tawaqqo Na Umeed
Dil Pukaray Hi Chala Jata Hay Janah Jana

Hum Bhi Kia Saada Thay Hum Nay Bhi Samaj Rakha Tha
Ghum Douraan Say Juda Hay Ghum -e- Janah Jana