Home / Islam / Your Problems / Garmi danay

Garmi danay

Garmi danay (prickly heat) us waqt nikaltay hai jab hum buhut zaida garmi mai niklay, iss sa bahcnay kay laiyay hamay khoshish karni chahiyay kay soraj ki garmi jab apni intaha par ho tou us waqt hum bahur na niklai bulkay apna kam ya tou subah kar lai yeh phir sham ko anjam dai.
Garmi dano ki dosri waja gandagi bhi hai. Agar hum rozana na nahai or jism ko saaf na rakhay tou bhi garmi danay nikaltay hai. Hamay chahiyay kay rooza kam az kam aik dafa zaror nahai. Kai loog tou din may 2 say 3 dafa bhi naha laytay hai takay who din bhar ki gandagi or thakan say bach jai. Hamaray jism par jaha bhi paseena khushk hota hai or waha pani say safai nahi hoti tou garmi danay nikal aatay hai. In garmi dano ki waja say buht mushkil paish aati hai orr garmi ki shidat mai izzafa ho jata hai. Saf pani say nahana in garmi dano say bachnay ka aik buhut azmoda tariqa hai.
Garmi danay agar nikal aie tou zindagi aik mushkil may aa jati hai. Kapray pehanna aik masala hota hai kio kay jaha bhi kapra lagta hai wah par taklif hoti hai.poranay tootko may say aik yeh bhi hai kay agar neem kay pani say nahaya jai tou in garmi dano say jaldi nijat milti hai. Neem kay patay poranay zamanay say ainti bacterial honay ki waja say mashoor hai. In patto ko ubal kar in kay pani say ghusl karnay say jild saf hoti hai or garmi dano ki museebat say jaldi chutkara milta hai. Neem kay darkht har jaga asani say miljatay hai or iss kay pattay utar kar un ko ubalna kafi aasan hai. Neem say bana howa sabun bhi milnay laga hai orr iss ka asar bhi utna hi dairpa hai.
Garmi danay aik taklif dah problem hai or hamay chahiyay kay in say bachay or saf rahy, khas tou par rozana bath lai or saf kapray pehnay.

(Visited 134 times, 1 visits today)
0.00 avg. rating (0% score) - 0 votes

About Lubna Rasheed

Leave a Reply

Your email address will not be published. Required fields are marked *

*